وجدي غنيم يستأسد على محمد حسان وأبي إسحاق الحويني دون رد منهما

[أبو عبدالرحمن المغربي]

بسم الله والحمد لله والصلاة والسلام على رسول الله وعلى آله وصحبه ومن إتبع هداه ثم أما بعد :

فلما بدأت ثورة يناير بمصر كان موقف محمد حسان منها عجيباً وغير واضح ؛ حيث يتجاذبه وفي نفس الوقت يتبرأ منه كلا الفريقين المتضادين في أحداث الثورة , وكالعادة لم يكن لأبي إسحاق الحويني موقفاً وظل ساكتاً إلى أن انتهت الثورة ثم بدأ يدافع عن محمد حسان وأمثاله في مواقفه الفاضحة.

وبالرغم من استنكار محمد حسان للإحتجاجات التي تؤدي إلى القتل وإشعال السيارات والمحلات وتخريب الممتلكات العامة في خطبته بعد ثورة تونس إلا أنه خرج في الاحتجاجات في ثورة يناير بمصر في ميدان التحرير , وظنه الكثير أنه مع الثورة ثم بعد ذلك خرج مع الإعلامي سيد علي والإعلامية هناء السمري المعروفان بموقفهما المضاد للثورة , ثم بعد ذلك أظهر تأييده للثورة بعدما نجحت , إلى غير ذلك مما حدث من تقلبات.

خروج محمد حسان مع الإعلاميين المعروفين بموقفهما المضاد للثورة جعل وجدي غنيم يرد على محمد حسان , وإن كنت أعلم أن وجدي غنيم أحد ورثة ضلال سيد قطب إلا أنني أحببت أن أنقل لكم بعض مواقفه التي تُدين محمد حسان وأبي إسحاق الحويني من باب (شهد شاهد من أهلها).

قال وجدي غنيم : (( حقيقة أنا فضلت متابع وضعه وكلامه عشان مأظلموش فوجدت الحقيقة تناقضات شديدة جداً جداً جداً , أنا ليه بأنصح علناً لأن هما بيتكلموا علناً , اللي هما عملوه علناً فلازم أنا أنصح علناً أنا مابفضحش حد -يعلم ربي- مانيش متخصص فضايح وبعدين مين اللي بيجيب الفضايح طيب.
يعني أخونا الشيخ محمد حسان طلع بتصريح قبل كدا وقال , وموجود على اليوتيوب الكلام داهو , المظاهرات غلط وماتصحش , والمظاهرات بتكسر مصانع وبتكسر مش عارف ايه وبتكسر ايه وكلام زي ده.
وبعدين طلع تاني الاخوة السلفية من اسكندرية بعدم المشاركة في المظاهرات وإن المظاهرات دي بتلهي عن ذكر الله وإنها يعني مهياش شرعية وكلام زي كدا يعني.
وبعدين فوجئنا بالشيخ محمد حسان موجود في ميدان التحرير مع الإخوة , أله ؟ , طب يعني هو دلوقت بقت المظاهرات ... , يعني المظاهرات في الآخر يعني , أنا طبعاً نزلت بيان ردي على الإخوة السلفية وأصلت فيه مسأئل المظاهرات , مش هعيدوا تاني اللي يحب يرجع له بيان إلى الإخوة السلفية , لكن يعني دلوقت يبقى فيه ايه ؟ يعني سلفي اسكندري غير سلفي القاهرة مثلاً ؟ يعني طب الشيخ محمد حسان هل هو موافق على المظاهرات والا بس كان طالع كدا ؟
علشان كدا مش عارفين بصراحة , يعني ناس بعتة تقولي وتكلمني , طب وأنا مالي متكلموه , الناس المفروض تقول للشيخ لكن بيكلموني أنا ليه , يمكن عارفين إن أنا على علاقة كويسة بيه يمكن عارفين إن أنا بقول كلمة حق الحمد لله , فإحنا بصراحة مش عارف يعني , لما ألاقي الشيخ محمد حسان طالع في المظاهرة والسلفية بيقولوا لأ المظاهرات غلط والمظاهرات كذا كذا كذا.
وبعدين اللي أنا بعيب على أخوي الشيخ محمد حسان الآن الآتي بقى إن أنت منزل بيان يا شيخ محمد يا حسان وموجهه للإخوة وبعدين يظهر إن اللي عملهولك حاطط فيه التخريب اللي حصل والكلام والقتل والنهب , طيب أنت بتوجه الكلام دا لمين ؟ للإخوة ؟ والا المفروض توجهه للمجرمين اللي عملوا كدا في الإخوة ؟ يعني ليه خلط الأوراق دا يعني ؟ يعني الإخوة اللي نزلوا في الميدان نازلين مسالمين وبصدورهم ومعهمش سلاح وبيضاربوا واضربوا وماتوا واترشوا بالميه وهما بيصلم واتعمل فيهم كله وجابلهم البغال والجمال والحمير , يبقى أنت بتوجه الكلام دا لمين ؟ اللي يسمعك يا شيخ محمد يا حسان يقول إن أنت بتوجه الكلام دا للإخوة وجاب الكلام دا وكأن الإخوة هما اللي عملوا كدا , لأ لأ لأ , حرام كدا والله , المفروض إن أنت تقول كلامك دا واضح لمين , خلي كلامك واضح , أنت بتكلم مين ؟ بتكلم الإخوة ؟ والا بتكلم اللي عملوا كدا في الإخوة ؟ المفروض إنك توجه كلامك للحكومة وتوجه كلامك للمجرمين اللي عملوا فيهم كدا , وبعدين برضوا قبل كدا أنت يا شيخ محمد طالع تقول على المجرم أنس الفقي وزير الإعلام تقول عليه أخ , أنا مستني الأخ ! أنس الفقي , وأدي الأخ اهو , والله ما يقبل شكلك ولا يقبل دقنك اللي أنت مربيها دي , اللي أنت بتسمي أخ !.
وبعدين سامحني برضوا أنت رحت قبل كدا مرتين عند القذافي , وأنت عارف القذافي , منكر للسنة , ولما قال (قل هو الله أحد) قال متقلش (قل) , يعني يعتبر كدا كافر يعني مرتد عن الإسلام , ورحت مرتين تقابله ولا جبت سيرة للكلام دا ولا كلمته , وعارف إنه بيقتل في المسلمين وقتل 1200 مسلم في يوم , واسأل الجماعة ال الإخوة اللي في ليبيا.
فأنا بصراحة مش عارف أقول ايه .. أنا مكسوف ))

وقال وجدي غنيم (( ياشيخ محمد يا حسان الكلام على العموميات غلط , لازم توضح , مين اللي أساءوا ؟ , مين الخونة اللي أنت بتقصدهم ؟ , مين اللي أساءوا للدين وللأخلاق؟
وبعدين أنا نسيت أقول حاجة مهمة جداً , أنت بتتكلم مع واحد مجرم وواحدة مجرمة , منافقون كذابون , لأن دول اللي أفسدوا الثورة أو كانوا يريدوا أن يفسدوها , وبعد كدا لو تخش على اليوتيوب تشوف واحد قالهم أنتو الاتنين انتو السبب , كدبتم علينا ونفقتم , قالولو صح عندك حق.
ثم يا شيخ محمد , قاعد مع واحدة شعرها عريان ! , متعرفش إن شعر المرأة عورة ؟ ! , أنا مش هنفكرك بالآيات أنا هقولك الآيات موجودة في سورة ايه , في سورة النور والأحزاب والأعراف , أنت راجل حافظ قرآن الحمد لله.
تبقى قاعد مع واحدة شعرها عريان ؟ , طب إفرض إن اللي قاعد جنبها دا كانت عورته مكشوفة , مكنش لابس سلب , كنت هتقعد تتكلم معاه ؟ وهو كدا عورته مكشوفة , طيب ما دي عورتها مكشوفة.
شيخ محمد حســـــــــــــان يقعد قدام واحدة شعرها مكشوف , شعرها عريان , وفتحة صدرها باينة , ويقولها يا أختي ! وبعدين بيقولها يا أختي الفــاضلة ! , الفــاضلة ! , امال المحجبات يبقوا ايه ؟ , لما تبقى واحدة شعرها باين وفتحة صدرها باينة تبقى فاضلة.
واللي اسمه سيد تقوله أخويا سيد يا أخي أخي , أخوك في ايه دا أنا مش فاهم , مش فاهم أنا.
فأنت عمال تقول خونة وأساءوا للدين , مين هما ؟ محددتش ليه ؟ حرام عليك الناس هتفهم إن الإخوة اللي بتعمل كدا ..... كلامك بصراحة كان -معلش سامحني في اللفظ- كلام مايع , يمشي على هنا ويمشي على هنا , ممكن المجرمين ياخدوا زي ما خادوا في التلفزيون ويقولوه للناس وممكن الإخوة ياخدوا كلامك ويقولوه للناس على إنك بتقصد دول , ودول على إنك بتقصد دول))

وقال وجدي غنيم (( هل أنت دعيت اللي اسمها هناء إلى الحجاب , والله العظيم ربنا هيسألك في الآخرة , إن أنت شفت واحدة شعرها عريان وقعدت معها 54 دقيقة , والناس اللي بيبصولها أنت اللي بتاخد السيئات , لأن الناس رايحة تسمع الشيخ محمد فلما بتيجي شعرها باين والناس تبص على شعرها مين اللي بياخد السيئات والمعاصي؟ , حتى كان على الأقل يا أخي قول إحترموني , أنا راجل شيخ هتولي راجل , هتولي راجل , مش اتنين منافقين ))

إلى غير ذلك مما أشار إليه وجدي غنيم كحديث المذيعة هناء السمري مع حسان دون أن تغير أسلوبها في لين الكلام , ثم ختم وجدي غنيم رده بقول (( مش عاجبني كلامك يا شيخ محمد , أرجو إن أنت تمسح هذا العــار , حتى لا يلحق بك )) .

يُتبع بمشيئة الله

منقول