أيعقل أن يصل الإلحاد بالكاتبة ( د. شيخة الجاسم ) إلى هذه الدرجة ويوافقها المذيع ( محمد الملا ) ؟!! .

[الجروان]

أيعقل أن يصل الإلحاد بالكاتبة ( د. شيخة الجاسم ) إلى هذه الدرجة ويوافقها المذيع ( محمد الملا ) ؟!! .

ـــــــــــــــــــــــــــــ

قناة " الشاهد " الكويتية
برنامج : " وجهاً لوجه مع محمد الملا " ... وحديث عن الاختلاط والدين والسياسة .
ضيفة الحلقة : الكاتبة والأستاذة في جامعة الكويت الدكتورة " شيخة الجاسم " .
تاريخ الحلقة : الثلاثاء 28 / 5 / 1437 هـ ـ 8 / 3 / 2016 م .

المقطع : 11 : 52 / 36 : 11

المذيع " محمد الملا " : أييييي تعتبرين يعني الكويت دولة دينية ، ولأ دولة ديمقراطية ، اهني
دائماً نختلف على المسمى هذه ؟ .

شيخة الجاسم : طبعاً إحنا المفروض مرجعنا الدستور ، والدستور تقول الكويت ، نظام الدولة ديمقراطي ، والسيادة فيه للأمة ، الشريعة شنو ؟ مصدر أساسي ، مو المصدر الوحيد اللي كانوا يبغون يغيرونه ، فبالتالي يعني هذا السؤال مفروض حتى لا يسأل ولا ، ما انحطه ما نطرحه .

المذيع " محمد الملا " : بس يقول لك القرآن والشريعة والدين أهم من الدستور .

شيخة الجاسم : اشلون أهم يعني انخرب انخرب نظامنا الديمقراطي .

المذيع " محمد الملا " : من وجهة نظره أنا عندي الشريعة والقرآن أهم من الدستور ، الدستور ما يهمني أنا دولة إسلامية محافظة .

شيخة الجاسم : إي الإنسان اللي المواطن اللي هذا تفكيره هذا خطر على الدولة .

المذيع " محمد الملا " : خطر على الدولة ؟! .

شيخة الجاسم : خطر على الدولة ، هذا ولائه مو للكويت ، هذا لو يجي واحد ثاني ويقول له تعال نبغي انغير عشان هذا الشيء موجود في القرآن مستعد انوا اهو يعني يخون ، وأنت شايف في الفترة الأخيرة شنو صار ، يعني في بعض القضايا اللي ما زالت يمكن بعدها استئناف وكذا ما نبغي نتكلم عنهم ، ولكن كله هذه قضايا خيانة للدولة لأنهم آمنوا بشيء ثاني غير دستورنا الديمقراطي ، وأي واحد يعتقد أن القرآن ، ولأ الشريعة ، ولأ أي تفسير لهذه النصوص الدينية أعلى من دستور لكويت ، هذا فيه خيانة للكويت .

المذيع " محمد الملا " : بس يقول لك الدستور هو دستور كتبه الإنسان ، هاذك غير ، هاذيك شريعتنا ، وهذا مسار الإنســــــان في الحياة فلا يجب أن يكون الدستور أعلى من الشريعة والدين .

شيخة الجاسم : هو شــــو المقصود أعلى وإلا مو أعلى ، أحنا الحين مو قاعدين انفاضل ما بينهم .

المذيع " محمد الملا " : لأنه يقول لك ، يقول لك هذا الأساس ، يعني اليوم الدستور المصدر الثاني مثلاً الدين الإسلام فيقول الأصل هو القرآن ، ما يقوله القرآن أو الشريعة أهم من ما يقره القوانين الإنسانية اللي تقول الدولة

شيخة الجاسم : إي بس ما في يعني هاذله يعني كتابين مختلفين ، القرآن كتاب المقدس للمسلمين ، والدستور هو دستور دولة الكويت ، ما في مقارن ما بين الاثنين ، ما في واحد أعلى من الثاني ، هذا له مكانة وهذا له مكانة ، احنا قاعدين نحكم دولة ، نحكم دولة انروح نقرأ بالقرآن ، لا ، انتعبد ، انصلي ، ندرس ، كلية شريعة ، ندرس في بيوتنا أوكي ، انروح ندرس القرآن ، بس قاعدين نحكم دولة ، نمشي على شنو .

المذيع " محمد الملا " : أنا أحس من كلامك إنك تبي تفصلين الدين عن الحياة السياسية أو الدستور

شيخة الجاسم : أخر شيء بالنهاية أتوقع أن العقل الإنساني راح يوصل إلى هذه الفكرة ، شوف الحروب اللي قاعده اتصير الحين حوالينا ليش ؟ ، باسم الدين ، انا شيعي أعتقد أن ولاية الفقيه وكذا ومستعد أدش بحرب ضدك ، وإلا انا سني وأعتقد ان أنت مذهبك خطأ ومستعد أذبحك ، فبالنهاية أنا اعتقد الإنسان العاقل يفترض انوا اهو يعني ينظر للسياسة ، اهي علم إنساني ، السياسة علم إنساني ، انا أبي أٌقود دولة ، مثل الاقتصاد ، شنو أسوي ، لازم أشوف التجارب السابقة وأتعلم منها وأبني دولة ، مو كل ساعة أرد إلى النصوص المقدسة وأقول أنا بأمشي عليها ، ما راح نمشي لجدام .
المذيع " محمد الملا " : صح .